1ܘܦܸܫܠܵܗ̇ ܫܡܥܝܼܬܵܐ ܠܫܠܝܼܚܹ̈ܐ ܘܠܐܲܚܘܿܢܘܵܬܹ̈ܐ؛ ܕܝܼܗَܘܵܘ ܓܵܘ ܝܼܗܘܼܕ؛ ܕܐܘܼܦ ܛܵܝܸܦܹ̈ܐ ܩܘܼܒܠܹܐ ܗَܘܵܘ ܗܹܡܸܙܡܵܢ ܕܐܲܠܵܗܵܐ. 2ܘܟܲܕ ܐَܣܸܩܠܹܗ ܫܸܡܥܘܿܢ ܠܐܘܿܪܸܫܠܸܡ؛ ܕܵܪܫܝܼ ܗَܘܵܘ ܥܲܡܹܗ ܐܵܢܝܼ ܕܡ̣ܢ ܓܙܘܼܪܬܵܐ. 3ܟܲܕ ܐܵܡܪܝܼ؛ ܠܟܸܣ ܐَܢܵܫܹ̈ܐ ܥܘܼܪ̈ܠܹܐ ܥܒܼܸܪܘܿܟ؛ ܘܐَܟܼܸܠܘܼܟܼ ܥܲܡܵܝܗܝ. 4ܘܫܘܼܪܹܠܹܗ ܫܸܡܥܘܿܢ ܒܪܹܐܙܵܐ؛ ܘܗܘܼܩܹܠܹܗ ܐܸܠܵܝܗܝ ܒܹܐܡܵܪܵܐ. 5ܐܵܢܵܐ ܨܲܠܘܿܝܹܐ ܝܘܸܢ ܗَܘܵܐ ܒܝܘܿܦܹܐ ܡܕܝܼܢَܬܵܐ؛ ܘܚܙܹܐܠܝܼ ܚܸܙܘܵܐ ܚܲܕَ ܡܵܐܢܵܐ ܒܸܨܠܵܝܵܐ ܕܕܵܡܹܐ ܗَܘܵܐ ܠܟܸܬܵܢ ܓܘܼܪܵܐ؛ ܟ̰ܘܼܢܒܸܠܵܐ ܒܐܲܪܒܲܥ ܩܸܪ̈ܢܝܼܵܬܘܼܗܝ ܘܒܸܨܠܵܝܵܐ ܡ̣ܢ ܫܡܲܝܵܐ؛ ܘܐَܬܹܐܠܹܗ ܗܲܠ ܠܟܸܣܠܝܼ. 6ܘܚܸܪܝܼ ܒܝܹܗ؛ ܘܚܙܹܐܠܝܼ ܕܐܝܼܬܼ ܗَܘܵܐ ܒܝܹܗ ܗܲܝܘܵܢܹ̈ܐ ܕܐܲܪܒܲܥ ܐܲܩܠܵܬܹ̈ܐ ܘܪܸ̈ܓ̰ܒܹܐ ܕܐܲܪܥܵܐ ܘܐܘܼܦ ܦܵܪܲܚܬܵܐ ܕܫܡܲܝܵܐ. 7ܘܫܡܸܥܠܝܼ ܩܵܠܵܐ ܒܹܐܡܵܪܵܐ ܐܸܠܝܼ؛ ܫܸܡܥܘܿܢ ؛ ܩܘܼܡَ؛ ܦܪܘܿܡ ܘܐَܟ̣ܘܿܠ. 8ܘܐَܡܸܪܝܼ؛ ܚܵܣ ܠܝܼ ܡܵܪܝܼ؛ ؛ ܓܵܘ ܚܲܝܝܼ̈ ܠܹܐ ܝܘܸܢ ܐَܟ̣ܝܼܠܵܐ ܟܠ ܡܸܢܕܝܼ ܕܛܲܡܵܐܐ ܘܠܵܐ ܕܸܟ̣ܝܵܐ. 9ܘܡܸܢَܕܪܸܫَ ܩܵܠܵܐ ܐَܡܸܪܹܗ ܐܸܠܝܼ ܡ̣ܢ ܫܡܲܝܵܐ؛ ܡܸܢܕܝܼ ܕܐܲܠܵܗܵܐ ܕܘܼܟܹܐܠܹܗ؛ ܐܲܢَܬ ܠܵܐ ܡܛܲܡܐܸܬ. 10ܐܵܗܵܐ ܗَܘܹܐܠܵܗ̇ ܬܠܵܬَ ܓܵܗܹ̈ܐ؛ ܘܦܸܫܠܹܗ ܡܘܼܣܩܵܐ ܟܠܹܗ ܡܸܢܕܝܼ ܠܫܡܲܝܵܐ. 11ܘܒܗ̇ܝ ܣܵܥܲܬ ܬܠܵܬَܐ ܓܲܒܼܪܹ̈ܐ؛ ܕܦܸܫܠܗَܘܿܢ ܫܘܼܕܪܹܐ ܠܟܸܣܠܝܼ ܡ̣ܢ ܩܹܣܲܪܝܵܐ؛ ܟܠܹܐܠܗَܘܿܢ ܩܵܕَܡ ܬܲܪܥܵܐ ܕܕܲܪܬܵܐ ܕܓܵܘܹܗ ܝܘܸܢ ܗَܘܵܐ. 12ܘܐَܡܸܪܹܗ ܐܸܠܝܼ ܪܘܼܚܵܐ؛ ܕܐܵܙܸܠَܢ ܥܲܡܵܝܗܝ ܕܠܵܐ ܫܝܼܟܘܼܬܵܐ. ܘܐَܬܹܐܠܗَܘܿܢ ܥܲܡܝܼ ܐܘܼܦ ܐܲܢܹܐ ܐܸܫܬܵܐ ܐܲܚܘܿܢܘܵܬܹ̈ܐ؛ ܥܒܸܪܲܢ ܠܒܲܝܬܹܗ ܕܗ̇ܘ ܓܲܒܼܪܵܐ. 13ܘܗܘܼܩܹܐܠܹܗ ܐܸܠܲܢ ܕܵܐܟ̣ܝܼ ܚܙܹܐ ܠܹܗ ܒܒܲܝܬܹܗ ܡܲܠܲܐܟ̣ܵܐ ܕܟܠܹܐܠܹܗ ܘܐَܡܸܪܹܗ؛ ܫܵܕܸܪ ܠܝܘܿܦܹܐ ܡܕܝܼܢَܬܵܐ؛ ܘܡܲܝܬَܝܼ ܠܫܸܡܥܘܿܢ؛ ܕܦܝܵܫܵܐ ܝܠܹܗ ܩܸܪܝܵܐ ܟܹܐܦܵܐ. 14ܘܗ̇ܘ ܒܸܬ ܗܲܡܙܸܡ ܥܲܡܘܼܟ ܗܹܡܸܙܡܵܢܹ̈ܐ ܕܒܝܼܵܝܗܝ ܒܸܬ ܚܲܝܸܬ؛ ܐܲܢَܬ ܘܟܠܹܗ ܒܲܝܬܘܼܟ. 15 ܘܟܲܕ ܫܘܼܪܹܐܠܝܼ ܠܗܲܡܙܘܼܡܹܐ؛ ܫܪܹܐܠܵܗ̇ ܪܘܼܚܵܐ ܕܩܘܼܕܫܵܐ ܥܲܠܵܝܗܝ؛ ܕܵܐܟ̣ܝܼ ܕܥܲܠܲܢ ܒܫܘܼܪܵܝܵܐ. 16ܘܕܟܸܪܝܼ ܗܹܡܸܙܡܵܢܹܗ ܕܡܵܪܲܢ؛ ܕܐَܡܝܼܪܵܐ ܗَܘܵܐ؛ ܝܘܿܚܲܢܵܢ ܡܘܼܥܡܸܕܠܹܗ ܒܡ̈ܝܼܵܐ؛ ܐܝܼܢܵܐ ܐܲܚܬܘܿܢ ܒܸܬ ܥܵܡܕܝܼܬܘܿܢ ܒܪܘܼܚܵܐ ܕܩܘܼܕܫܵܐ. 17ܐܸܢ ܗܲܕܟ̣ܵܐ ܐܲܠܵܗܵܐ ܝܘܼܗَܒ̣ܵܐܠܹܗ ܡܵܘܗܲܒܼܬܼܵܐ ܠܛܵܝܸܦܹ̈ܐ ܠܐܵܢܝܼ ܕܗܘܼܡܸܢܘܿܢ ܒܡܵܪܲܢ ܝܼܫܘܿܥ ܡܫܝܼܚܵܐ ܐܲܝܟܼ ܕܐܘܼܦ ܐܸܠܲܢ؛ ܐܵܢܵܐ ܡܵܢܝܼ ܝܘܸܢ ܗَܘܵܐ ܕܡܵܨܸܢ ܗَܘܵܐ ܠܡܲܟܠܘܼܝܹܐ ܠܐܲܠܵܗܵܐ. 18ܘܟܲܕ ܫܡܸܥܠܗَܘܿܢ ܐܲܢܹܐ ܗܹܡܸܙܡܵܢܹ̈ܐ؛ ܫܠܹܐܠܗَܘܿܢ؛ ܘܫܘܼܒܸܚܠܗَܘܿܢ ܠܐܲܠܵܗܵܐ؛ ܒܹܐܡܵܪܵܐ؛ ܒܲܣ ܐܘܼܦ ܠܛܵܝܸܦܹ̈ܐ ܝܘܼܗَܒܼܸܠܹܗ ܐܲܠܵܗܵܐ ܬܝܵܒ̣ܘܼܬܵܐ ܠܚܲܝܹ̈ܐ. 19ܐܝܼܢܵܐ ܐܵܢܝܼ ܕܦܝܼܫܹܐ ܗَܘܵܘ ܒܘܼܪܒܸܙܹܐ ܡ̣ܢ ܐܘܼܠܨܵܢܵܐ ܕܗَܘܹܐ ܠܹܗ ܥܲܠ ܐܸܣܛܲܦܵܢܘܿܣ؛ ܡܛܹܐܠܗَܘܿܢ ܗܲܠ ܦܹܘܢܝܼܩܹܐ؛ ܘܐܘܼܦ ܠܐܲܬܼܪܵܐ ܩܹܘܦܪܘܿܣ؛ ܘܐܵܢܛܝܘܼܟ̣ܝ؛ ܟܲܕ ܥܲܡ ܐَܢܵܫܵܐ ܠܹܐ ܗܲܡܙܸܡܝܼ ܗَܘܵܘ ܗܹܡܸܙܡܵܢ؛ ܐܸܠܵܐ ܥܲܡ ܝܗَܘܼܕܵܝܹ̈ܐ ܐܲܚܟ̰ܝܼ. 20ܐܝܼܢܵܐ ܐܝܼܬ ܗَܘܵܘ ܡܸܢܵܝܗܝ ܐَܢܵܫܹ̈ܐ ܡ̣ܢ ܩܹܘܦܪܘܿܣ ܘܡ̣ܢ ܩܹܘܪܝܼܢܹܐ؛ ܐܲܢܹܐ ܥܒܼܝܼܪܹ̈ܐ ܗَܘܵܘ ܠܐܵܢܛܝܘܿܟ̣ܝ؛ ܗܲܡܙܸܡܝܼ ܗَܘܵܘ ܥܲܡ ܝܵܘܢܵܝܹ̈ܐ؛ ܘܡܲܫܚܸܕܝܼ ܗَܘܵܘ ܒܘܼܬܿ ܡܵܪܲܢ ܝܼܫܘܿܥ. 21ܘܐܝܼܕܹܗ ܕܡܵܪܝܵܐ ܥܲܡܵܝܗܝ ܝܗَܘܵܐ؛ ܘܡܸܢܝܵܢܵܐ ܪܵܒܵܐ ܗܘܼܡܸܢܗَܘܿܢ ܘܕܸܪܗَܘܿܢ ܠܟܸܣ ܡܵܪܝܵܐ. 22ܘܦܸܫܠܹܗ ܫܸܡܥܝܵܐ ܐܵܗܵܐ ܚܲܒ̇ܪܵܐ ܠܥܹܕܬܵܐ ܕܓܵܘ ܐܘܿܪܸܫܠܸܡ؛ ܘܫܘܼܕܸܪܗَܘܿܢ ܠܒܲܪܢܒ̣ܵܐ ܠܐܵܢܛܝܘܿܟ̣ܝ. 23ܘܟܲܕ ܐَܬܹܐܠܹܗ ܠܬܵܡܵܐ ܘܚܙܹܐ ܠܹܗ ܫܵܦܵܩܲܬܹܗ ܕܐܲܠܵܗܵܐ؛ ܚܕܹܐܠܹܗ؛ ܘܛܠܸܒܠܹܗ ܡܸܢܵܝܗܝ ܕܬܵܒܥܝܼ ܠܡܵܪܲܢ ܡ̣ܢ ܟܠܹܗ ܠܸܒܵܝܗܝ. 24ܣܵܒܵܒ ܓܲܒܼܪܵܐ ܗَܘܵܐ ܛܵܒ̣ܵܐ؛ ܘܡܸܠܝܵܐ ܗَܘܵܐ ܡ̣ܢ ܪܘܼܚܵܐ ܕܩܘܼܕܫܵܐ ܘܗܲܝܡܵܢܘܼܬܵܐ؛ ܡܲܙܝܸܕ ܗَܘܵܐ ܪܵܒܵܐ ܛܵܝܸܦܵܐ ܠܡܵܪܲܢ. 25ܘܦܠܸܛܠܹܗ ܗ̇ܘ ܠܛܵܪܣܘܿܣ ܒܸܛܵܥܵܐ ܠܫܵܐܘܿܠ. 26ܘܟܲܕ ܡܘܼܫَܟ̰ܸܚܠܹܗ؛ ܡܘܼܝܬܹܐܠܹܗ ܥܲܡܹܗ ܠܐܵܢܛܝܘܿܟ̣ܝ؛ ܘܟܠܵܗ̇ ܫܹܢَܬܵܐ ܡܸܚܕܵܕܹ̈ܐ ܓ̰ܸܡܥܝܹܐ ܗَܘܵܘ ܒܥܹܕܬܵܐ؛ ܘܡܘܼܠܸܦܠܗَܘܿܢ ܪܵܒܵܐ ܛܵܝܸܦܵܐ. ܘܗܲܝܓܵܐ ܩܵܕَܡܵܝܬܵܐ ܦܸܫܠܗَܘܿܢ ܩܸܪܝܹܐ ܬܲܠܡܝܼܕܹ̈ܐ ܒܐܵܢܛܝܘܿܟܼܝ ܟܪܸ̈ܣܛܝܵܢܹܐ. 27ܘܒܵܐܢܝܼ ܝܵܘܡܵܢܹ̈ܐ ܐَܬܹܐܠܗَܘܿܢ ܡ̣ܢ ܐܘܿܪܸܫܠܸܡ ܠܐܵܢܛܝܘܿܟ̣ܝ ܢܒ̣̈ܝܹܐ. 28ܘܩܸܡܠܹܗ ܚܲܕَ ܡܸܢܵܝܗܝ ܕܫܸܡܹܗ ܐܵܓ̣ܵܒ̣ܘܿܣ؛ ܡܘܕܸܥܝܵܝܠܹܗ ܒܪܘܼܚܵܐ؛ ܕܟܸܦܢܵܐ ܓܘܼܪܵܐ ܒܸܬ ܗܵܘܹܐ ܗَܘܵܐ ܒܟܠܵܗ̇ ܕܘܼܢܝܹܐ؛ ܘܐܵܗܵܐ ܟܸܦܢܵܐ ܕܗَܘܹܐ ܠܹܗ ܒܝܵܘܡܵܢܹ̈ܐ ܕܩܠܵܘܕܝܼܘܿܣ ܩܹܣܲܪ؛ 29ܐܝܼܢܵܐ ܬܲܠܡܝܼܕܹ̈ܐ؛ ܐܲܝܟܼ ܕܐܝܼܬ ܗَܘܵܐ ܡܸܢܕܝܼ ܠܟܠ ܐَܢܵܫܵܐ ܡܸܢܵܝܗܝ؛ ܦܪܸܫܠܗَܘܿܢ ܕܫܵܕܪܝܼ ܠܚܸܠܡܲܬ ܕܐܲܚܘܿܢܘܵܬܹ̈ܐ؛ ܐܵܢܝܼ ܕܥܡܝܼܪܹܐ ܗَܘܵܘ ܓܵܘ ܝܼܗܘܼܕ. 30ܘܫܘܼܕܸܪܗَܘܿܢ ܒܝܲܕ ܒܲܪܢܒ̣ܵܐ ܘܫܵܐܘܿܠ ܠܟܸܣ ܚܘܵܪ̈ܕܸܩܢܹܐ ܬܵܡܵܐ.